Beschrijving
SIES WOLTJER
Sies Woltjer is geboren in Lèllens in gemainte Ten Boer. Noa zien schoultied is hai waarkzoam west in allerlei boanen om via gemainten Noordwiek, Runerwol, t Zaandt en Texel in Loppersom terecht te kommen als gemaintesiktoares. In dij tied rond 1986 het hai mit doan aan t vertoalen van gedailten van Biebel. Dat waren o.a. Johannes en Job. Ook in dij tied is t Grunneger vertoalen slim belangriek worden. Noa t oafronden van Biebel het hai de Haailand, noar n Christusgedicht oet de vrouge middelaiwen (830) volgens evangelie van Mattheus, Marcus, Lucas en Johannes, vertoald. In 2012 is dit bouk oetgeven. Op zuik noar n volgende vertoalen kwam hai terecht bie Kroniek van t Klooster Bloemhof in Widdewierem. Middelaiwen en ploatselke zoaken kwamen doar bie n kander. De Kroniek is schreven rond 1200. End 2014 is dit bouk oetgeven. Weer loater kwam Sies Woltjer in aanroaken mit Ynskje Penning. Heur roman Emo’s Labyrint laag in lien van de Kroniek en t was n plezaaier om dit bouk te vertoalen. Dat is mit dizze oetgoave din ook goud lukt.
